Կազմակերպության Մասին

«Հակադոպինգային Գործակալություն» ՊՈԱԿ-ը ստեղծվել է ՀՀ կառավարության 2020թ․ հուլիսի 9-ի Ն-1156 որոշմամբ, որպես «Սպորտային բժշկության և հակադոպինգային ծառայության հանրապետական կենտրոն» ՊՈԱԿ-ի իրավահաջորդ։ Կազմակերպությունը պարտավոր է համապատասխանել Համաշխարհային Հակադոպինգային Օրենսգրքին և կատարել Օրենսգրքով նախատասեված իր պարտավորությունները։ Գործակալությունը իր գործնական որոշումները կայացնելիս անկախ է պետական և հասարակական կազմակերպություններից։ Գործակալությունը մշակել և հրապարակել է ՀՀ հակադոպինգային կանոնները, որոնք հաստատվել են Համաշխարհային Հակադոպինգային Գործակալության (ՀՀԳ) կողմից 2020 թ-ի հոկտեմբերի 26-ին։ Գործակալության գործունեության առաջնային առարկան է իրականացնել մարզիկների, մարզիչների և սպորտային բժիշկների իրազեկում և կրթություն, որի իրականացման համար Գործակալությունը 2011-2022 թվականը արժանացել է ՀՀԳ-ի, ՅՈՒՆԵՍԿՈ-Ի և ՄՕԿ-ի 11 դրամաշնորհների։ Տարեկան Գործակալությունը իրականացնում է ազգային մակարդակի մոտ 150 մարզիկի արտամրցումային և մրցումային թեստավորում և նույնքան միջազգային մակարդակի հայ և արտերկրյա մարզիկների դոպինգ ստուգում։ Վերջին 10 տարում Գործակալության դոպինգ սպայերը, որոնցից 4-ը արտոնագրված են, որպես միջազգային կարգի դոպինգ սպայեր, աշխատել են 6 խոշորագույն աշխարհի և եվրոպայի առաջնություններում։